Liverpool Ayaa Kaga Sara Martay Arsenal Saxiixa Alexandar Isak

Kooxda Liverpool ayaa ka horeysa Arsenal Saxiixa Isak iyagoo soo bandhigay heshiis is-dhaafsi.

Liverpool waxay si weyn u xiiseyneysaa weeraryahanka Newcastle, Alexandar Isak kasoo ah bartilmaameedka Arsenal. Liverpool waxay aragtaa Isak inuu yahay weeraryahan ku habboon nidaamka tababare Arne Slot.

Isak ayaa la sheegay inuu yahay ciyaaryahan muhiim u ah qorshayaasha kooxda Liverpool xagaaga. Arsenal ayaa sidoo kale xiiseyneysa Isak, inkastoo Liverpool ay hadda ka horeyso saxiixiisa weeraryahanka.

Wararka ayaa sheegaya in Newcastle ay sidoo kale ka fiirsaneyso Viktor Gyokeres, iyadoo ka walwalsan mustaqbalka Isak. Newcastle waxay leedahay welwel ku saabsan haddii ay ku guuleysan doonaan Champions League, taasoo saameyn ku yeelan karta Isak.

Haddii Newcastle aysan ka qaybgelin Champions League, waxaa la sheegay in kooxda ay diyaar u tahay inay iibiyaan Isak.

Liverpool oo tixgelinaysa in ay bixiso Nunez si loo helo Isak

Liverpool waxay si dhab ah u xiiseyneysaa saxiixa Isak xagaaga, sida uu sheegay khabiirka is-weydaarsiga David Ornstein. Football Insider ayaa sidoo kale sheegtay in Liverpool ay baari doonto siyaabo kala duwan oo lagu heli karo Isak.

Kooxda Liverpool waxay tixgelinaysaa inay ku darto Darwin Nunez heshiiska Isak, iyada oo tixgelinaysa xaaladiisa laacibkeeda kaso helin bandhigin wanaagsan ilaa iyo markii uu kuso biiray kooxda .

Inkastoo Nunez uu ku qaldamay kuso biirida Liverpool, haddana waxaa weli si weyn loogu qiimeeyaa weeraryahanka reer Uruguay. Milkiilayaasha Sacuudiga ee Al-nassr waxay si gaar ah u firinayeen Darwin Nunez, waxayna isku dayeen inay u soo saxiixdaan ka hor inta ay laso wareegin Jhon Duran.

Haddii Newcastle aysan ka qaybgelin Champions League, Nunez wuxuu noqon karaa xalka weeraryahan ee kooxda, iyadoo laga yaabo inuu ka tago Anfield uuna ku biiro Newcastle.

Isak iyo Nunez waxay noqdeen xulashooyin muhiim ah suuqyada soo socda, iyadoo Liverpool iyo Newcastle ay isha ku hayaan. Haddii Newcastle ay lumiso Isak, Nunez wuxuu noqon karaa ciyaaryahan badali kara weeraryahan kooda.

Wararku waxay muujinayaan in labada kooxood ay si dhab ah uga shaqeynayaan heshiisyo xagaaga si ay u helaan weeraryahano cusub.