Arsenal
Barcelona
Chelsea
Liverpool
Man City
Man United
Real Madrid
Chelsea waxay kor u kici doontaa kaalinta afraad ee Premier League haddii ay garaacdo West Ham United fiidnimada Isniinta ee Stamford Bridge.
Chelsea waxay fursad u haysataa inay ka sare marto Newcastle iyo Manchester City oo guuldarro la kulmay usbuucan, haddii ay ka adkaato West Ham kulankooda Premier League.
Kooxda Enzo Maresca ee chelseq ayaa hal guul kaliya heshay toddobadii kulan ee ugu dambeysay, kaddib markii ay guuldarro kala kulmeen Man City kulankii ugu dambeeyay. Sidaas darteed, ma rabaan inay wax iska dhimaan kulankan.
Graham Potter, oo horey u soo maamulay Chelsea intii u dhaxeysay Sebtember 2022 iyo Abriil 2023, wuxuu doonayaa inuu guul ka gaaro kooxdii uu horey u laylin jiray, isagoo ka faa’iideysanaya barbarraha ay la galeen Aston Villa kulankii ugu dambeeyay.
West Ham, oo ay dhaawacyo kaga maqan yihiin dhowr ciyaaryahan, waxay fursad u haysataa inay ka saramarto Manchester United oo ay gaarto kaalinta 13-aad haddii ay Chelsea garaacdo.
Waqtiga Ciyaarta Chelsea iyo Westham.
- Goobta: London, England.
- Garoonka: Stamford Bridge.
- Taariikhda: Isniin, 03da Febraayo.
- Waqtiga Ciyaarta: 10:00 PM.
- Garsooraha Dhexdhexaadinaya: Stuart Attwell.
- VAR: Michael Salisbury
Wararka kooxda ee Chelsea
- Benoit Badiashile & Wesley Fofana – Labada difaac dhexe oo dhaawac muddo dheer ah.
- Romeo Lavia – Wuxuu seegayaa kulankan sababtoo ah dhaawac dhanka khadka dhexe difaaca.
- Omari Kellyman – Weli kama soo muuqan Chelsea tartan kasta, isagoo wali la dhibtoonaya arrimo dhanka taam ahaanta ah.
- Mykhailo Mudryk – Wuxuu wajahaya ganaax kadib markii uu ku dhacay tijaabo daroogo, sidaas darteed kuma jiri doono safka kulanka West Ham.
- Robert Sanchez ayaa sameeyay qaladaad kulankii Man City, taasoo keeni karta in la badalo.
- Filip Jorgensen ayaa fursad u heysta inuu noqdo goolhayaha koowaad kulankan.
Wararka Kooxda Westham
- Niclas Fullkrug & Michail Antonio – Labada weeraryahan oo dhaawac ku maqan.
- Lucas Paqueta – Wuxuu dhaawac muruqa ah ku qaatay kulankii Aston Villa, waxaana la qiimeyn doonaa ka hor kulankan.
- Jarrod Bowen – Wuxuu kasoo kabanayaa dhaawac lugta ah, waxaana laga yaabaa inuu qeyb ka noqdo safka West Ham kulanka Chelsea.
- Konstantinos Mavropanos – Wuxuu kusoo laabanayaa safka kaddib ganaax.
Ka Akriso : Chelsea iyo Tabaraheeda oo ka doorbidaya Garnacho garab kale.
Shaxaha Kooxaha
Chelsea Safkeeda(4-2-3-1): Jorgensen; James, Chalobah, Colwill, Cucurella; Caicedo, Fernandez; Madueke, Palmer, Sancho; Jackson.
Westham Safkeeda(3-4-2-1): Areola; Coufal, Kilman, Cresswell; Wan-Bissaka, Alvarez, Soler, Emerson; Kudus, Soucek; Ings.
Saadalinta Kulanka
Chelsea ayaa noqotay koox aan la saadaalin karin kulamadii ugu dambeeyay, gaar ahaan marka ay la ciyaarayaan kooxaha darajada hoose. Inkastoo ay hal guul ka heleen saddexdii kulan ee ugu dambeysay ee Stamford Bridge, guushii Wolves waxay u noqotay dhiirigelin.
West Ham wali waxay la tacaaleysaa dhaawacyo iyo la qabsiga habka Potter. Inkastoo aysan noqon karin ciyaar sahlan, Chelsea waa inay awoodo inay saddexda dhibcood gurigeeda ku xaqiijiso.
Saadalinta : Chelsea 2-1 Westham
