Man City vs Newcastle United: Kulan U Muhiim Ah Labada Koxood

Man City iyo Newcastle United ayaa isku daya inay ka soo baxaan meelaha ugu sarreeya horyaalka.

Man City ayaa gurigeeda ku soo dhaweyn doonta Newcastle United ee Etihad Stadium Sabtida, 15ka Febraayo, 2025, iyadoo ciyaartu bilaabmaysa 6:00 PM maqribnimo ee cawa.

Ciyaartani waa mid muhiim ah, maadaama labada kooxood ay isku dhibco yihiin oo 41 dhibcood leeyihiin, waxaana ay u dagaallamayaan inay kaalmaha ugu sarreeya ka helaan Premier League.

Manchester City
Pep Guardiola ayaa kooxdiisa ku hogaaminaya inay ka soo kabsadaan guuldarradii xanuunka lahayd ee 5-1 ee Arsenal. Waxaana sidoo kale ka horyimid 3-2 ee Real Madrid.

Inkasta oo dhibaatooyin jira, City weli waxay ku jirtaa tartanka FA Cup-ka. Kooxdu waxay doonaysaa inay soo celiso awooddeedii hore ee horyaalka Premier League.

Newcastle United
Eddie Howe ayaa kooxda u horseeday guulal isku xiga, oo ay ku jiraan 2-0 kaga so badiyeen Arsenal Carabao Cup. Sidoo kale, 3-2 guul ay ka gaareen kooxda Birmingham City ee koobka FA Cup.

Newcastle waxay si adag ugu dadaaleysaa inay si joogto ah ugu soo baxdo tartamada Yurub. Howe wuxuu ku qanacsan yahay natiijooyinkii ugu dambeeyay, laakiin waxay u baahan yihiin in ay hagaajiyaan difaacooda.

Line-Upka Labada Kooxood

Manchester City (4-1-4-1): Ederson; Lewis, Dias, Ake, Gvardiol; Stones; Savinho, Foden, Gundogan, Marmoush; Haaland.

Newcastle United (4-3-3): Pope; Livramento, Schar, Burn, Hall; Guimaraes, Tonali, Willock; Murphy, Isak, Gordon.

Ciyaartoyda Dhaawaca iyo Kuwa La Filayo

Manchester City: Jack Grealish iyo Manuel Akanji waa dhaawac, sidaas awgeed ma ciyaari doonaan kulankan. John Stones waa diyaar wuxuuna ciyaari doonaa ciyaartan, halka Nathan Ake uu ku jiro shaki la xiriira inuu ku soo bilaabmo.

Marmoush iyo Doku ayaa si weyn ugu muuqda inay ciyaaraan, gaar ahaan Marmoush oo kuso bilaaban doona kulankan cawa ay u baxayaan Newcastle United.

Newcastle United: Anthony Gordon iyo Sven Botman labaduba ma ciyaarin guushii 3-2 ee Birmingham. Howe wuxuu xaqiijiyay in Gordon uu soo kabsaday dhaawac muruqa ah. Gordon ayaa diyaar u ah ciyaartan, halka Harvey Barnes uu weli dhaawac yahay. Joelinton wuxuu ku soo laaban doonaa kooxda bisha soo socota, isagoo seegi ku seegi doona ciyaarta.

Saadaasha Kulanka

City waxay muujisay inay soo kabteen, laakiin weli waxay ku dhibtoonayaan xakamaynta kubbadda iyo isticmaalka baasaska difaaca. In kasta oo weerarkooda uu hagaagay, Newcastle waxay helaysaa fursad ay kaga faa’ideystaan difaaca City, kaas oo dhibaato ka haysatay ciyaaraha ugu dambeeyay. Waxaa la filayaa in labada kooxba ay ka dhibtoon doonaan inay iska difaacaan, iyadoo la filayo barbardhig.

Saadaasha:
Manchester City 2 – 2 Newcastle United